CHAPAR ARU

QULLASUYU MARKA

Autor: Bonifacio Mamani M.

qullasuyu marka wiñay markaxa
laqha achachilanakasan uraqipa
tawantin suyu markan wawapa
inti tatan paxsi maman alchhipa

   Qullasuyu jach`a munata markaxa

                  kuntisuyumpi chinchasuyumpi p`arxtasiri

uk`amariki antisuyumpi chiktata

   mayak wiphaltiri qullana markaxa

qullasuyu suma qamaña markatawa
aynimpi mink`ampi sartasiritanwa
phaynampi cusisiñampi qamasiritanwa
jach`a munata aymara markatawa

   awya yalan munata wawapatawa 

     aka pacha uraqisan lup`iwipatawa

machaq mara jach`ar aptiritawa

                qullasuyunkir wiñay jaqin markapatawa

sarnaqatan uñtasak jachañ jachañaw jutitu

wiphalam uñtasax lup`iñ lup`iñaw amxattitu

jan wali jaqinakawa muyupayasipkistu

t`aqhiisiyañataki jach`a qullasuyu markasaru

                ukatwa jichhuruxa waktitu nuwasiñaxa  

qullasuyu marka qhispiyañataki

      qullana jach`a marka sartayañataki

   tawantin suyu jach`ar aptañataki

                                        JALLALLA QULLASUYU MARKA